قالولك اسكت وماتحكيش.......

قالولك اسكت ما تحكيش .... انت خلقت للتطنيش
للحواجز للمعابر للتفتيش .... كتبو على جبينك ينداس
من الظابط للشاويش .... فلسطيني قالولك ممنوع تعيش
فلسطيني ممنوع تثور .... ومش مسموح تكون مقهور
اياك تطالب بحقك .... اوعك بيوم تشوف النور
منوع تجدد هويه .... ممنوع تجدد بسبور
فلسطيني وبدك تتعلم .... هاي شغلة ضد الدستور
فلسطيني لازم تتالم .... من دون ما يشوفك دكتور
فلسطيني ممنوع تظلم .... ولا يطلع بجناحك ريش
فلسطيني ممنوع تعيش .... فلسطيني بكل المطارات
اسمك بالاحمر مكتوب .... وعلى شباك مصلحة الجوازات
كتبو على جبينك مطلوب .... لازم تتوقف ساعات مذنب
او من دون ذنوب ..... ويتوجه الك اتهامات
انك سبب كل الحروب .... كانو بسببك الحق مات
والعدل بارضك مسلوب .... وكانك سبب كل النكسات
وكل ازمات الشعوب .... وكانو بسببك مجرم فات
على جنين بلحظة الغروب .... وذبح صبيان وبنات
وعجز على امرها مغلوب .... مع انو الحقيقة....
انا الي بهالدنيا ضحية .... عملتوني مادة للغلى
وقضية للي ما عندو قضية .... انا الي راسي ما انحنى
بوجه الريح القويه .... انا الي شعبي صمد
في الضفة وفي الرشيديه .... انا الي شعبي انتفض
وبحجر حارب دوريه .... واليوم وبكرة وللابد عنا كلمة وحدة وهي ......

*فلسطيني وافتخر*

والله صحيح يا اسيرة هاد حال الشعب الفلسطيني
على فكرة ........
فتحتي جروحاتنا بهالموضوع هاد لانو كل الناس عايشة هاد الاحساس وهاي الحالة
بس شو رح نحكي الا انا ندعي ربنا يصبرنا على هالحال ونتمنى انو فلسطين تتحرر...
الموضووووووووع حلووووووو كتيييييييير
يسلموووووووووو كتييييييير يا عسوووووووووولة....
Smile

معك حق بس متل ماقلتي شو بدنا نعمل ما النا غير ندعي
والله يساعد الي بفلسطين على الي همه فيه
وشكرا كتير حبيبتي على المرور
الرائع والرد الحلو .

ولووووووووووووووووووووو
هاد واجبنا اسيرة .......
ولا شو رأيك انت ؟؟؟؟؟؟
الله ينصر اهل فلسطين ويحرروها من ايدين هالهمجيين المحتلين يا رب

يااااااااااارب